夏日滋补养生│必食足料 马卡火锅 汤底、全年歎靓海鱼 @Di

正文
(Presented by 不倒翁中日火锅料理)

Photo:Barry

炎炎夏日,特别容易燥底火气盛,加上都市人压力大,姊妹们成日都话睡眠质素差,想吃火锅又怕燥热,其实打边炉都可以食得养生, 马卡火锅 值得考虑。近年,马卡喺养生界好流行,几乎无人不识,就係因为佢有助消除疲劳同改善睡眠嘅功效,早排就畀我发现不倒翁都用马卡入馔作为汤底,同班姊妹试过都话啖汤饮落舒服顺喉!呢度仲可以食到罕有海鱼,海鲜迷一定要试。

秘鲁 马卡火锅 补而不燥

马卡以秘鲁出品比较优质,不倒翁嘅马卡汤底就严选秘鲁马卡,再加入多种温和药材,包括党参、圆肉、杞子、芡实、果皮等熬製,味道清淡顺喉,最重要係补而不燥。而马卡有「秘鲁人参」之称,对于抗疲劳、提升睡眠质素、纾缓压力好有效,经常易攰、易失眠、压力大嘅都市人最啱饮。呢度嘅马卡汤底咁足料,我哋成班女生当然喝完汤,然后至打边炉,将滋补精华食落肚先。至于马卡 火锅 配料,可选择配搭海南文昌鸡或猪骨食用,肉质吸咗汤底味道,将鲜味更加提升。

夏日滋补养生│必食足料 马卡火锅 汤底、全年歎靓海鱼 @Di
马卡汤底(可选文昌鸡或猪骨)选用秘鲁马卡,有助对抗疲劳、补充体力,再加入党参、圆肉、杞子等,温和滋补,最适合都市人。

点选马卡汤底之余,我哋一班姊妹都话养生要去到尽,点埋马卡茶饮用。马卡茶同样选用秘鲁马卡沖泡,每壶放入8钱马卡,够晒足料!马卡茶味道清淡甘甜,边歎火锅边养生,好舒服!

夏日滋补养生│必食足料 马卡火锅 汤底、全年歎靓海鱼 @Di
马卡茶除咗马卡汤底,仲可以点选马卡茶,每壶放入8钱秘鲁马卡沖泡,好足料!

巴闭!全年尝罕有海鱼

海鲜达人最怕就係海鲜选择少,不过喺不倒翁就毋须担心呢个问题,因为店主洪哥同多间海鲜供应商稔熟,可以攞到花英斑、红瓜子斑等罕有海鱼,随时都可食到高质活海鲜。加上即叫即劏,上桌嘅刺身或火锅配料都係顶级新鲜。

夏日滋补养生│必食足料 马卡火锅 汤底、全年歎靓海鱼 @Di
南非特大鲍鱼足有3斤重嘅南非鲍鱼,咬落啖啖肉,厚切打边炉最能食到佢嘅鲜甜味!
夏日滋补养生│必食足料 马卡火锅 汤底、全年歎靓海鱼 @Di
海鲜拼盘店主会按时令攞最靓嘅海鲜,蛏子、海杉斑、加拿大顶级象拔蚌,都係上乘靓货,而且即叫即劏,上桌时新鲜到极。
夏日滋补养生│必食足料 马卡火锅 汤底、全年歎靓海鱼 @Di
黑松露菜苗饺、小笼饺食 火锅 点少得饺类,不倒翁嘅饺子经常都获好评,菜苗饺加入黑松露即令惹味度提升;将小笼包嘅馅料製成饺子,一次过可尝到饺子汤汁和汤底两种滋味。
夏日滋补养生│必食足料 马卡火锅 汤底、全年歎靓海鱼 @Di
烧物牛脷、牛仔粒、鸡翼,烧香后惹味大满足!
夏日滋补养生│必食足料 马卡火锅 汤底、全年歎靓海鱼 @Di
XO酱炒杂菌女生最锺意食菇,呢个炒冬菇、鸡油菌、灵芝菇、秀珍菇,炒得香口又健康。

不倒翁中日火锅料理

尖沙咀店:弥敦道63号iSquare国际广场23楼(2152 1166)

佐敦店:佐敦道23-29号新宝广场2楼(3526 0918)

铜锣湾店:勿地臣街1号时代广场食通天11楼1101号舖(3102 9363)

备注:设加一,收现金及信用卡。


上一篇: 下一篇:

相关文章:

最近发表
内容甄选