《炉石战记》Best of Hong Kong W3 冠军选

正文
《炉石战记》Best of Hong Kong W3 冠军选

又来到《炉石战记》Best of Hong Kong嘅冠军选手推荐牌组介绍啦!唔经唔觉已经嚟到第三个星期,今日为大家带嚟嘅係冠军选手Lawrence嘅亲王贼!

卡组介绍

《炉石战记》Best of Hong Kong W3 冠军选

近期亲贼真係好受欢迎呀!由于佢係一套属于快攻类嘅卡组,节奏非常之快,往往喺十费之前就能结束游戏,而且强度同胜率都相当唔错,好多玩家都会拎佢嚟爬天梯,好适合月初上分用嘅。

呢套牌组其实係用以前海盗贼嚟做基础修改出来嘅,最主要特点在于放弃左盗贼嘅招牌单卡-剔骨,取而代之嘅是凯雷希尔斯亲王。用得呢张卡嚟命名当然佢就成为套牌嘅核心啦,而呢张牌有几劲?无论遇到咩嘅对手,只要能够起手或者二费準时出到佢,基本上就可以得到一个极大嘅优势,如果可以做到暗影闪现回手再上嘅话,基本上就可以喺七费之前提早完结呢场游戏。

当然有利就有弊,呢套牌嘅低费卡牌比较多,4费以下嘅牌有22张,大部分嘅手下如果未得到亲王嘅强化之前质量都係偏弱,所以如果对上快攻嘅时候会比较吃力少少。另一方面,虽然係低费卡牌比较多,但绝对唔可以无脑铺场,要保证到手牌嘅数量,因为呢套牌是无任何过牌能力,增加手牌嘅手段就只有唬烂海盗、『收藏者』夏库同『毒化心智』萨瑞尔。所以一定要注意好手牌数量,如果唔係就会后继乏力啦。

单卡分析

凯雷希尔斯亲王

《炉石战记》Best of Hong Kong W3 冠军选

原本个个都话凯雷希尔斯亲王实用性唔高,但自从亲王贼嘅概念出现左之后,呢张手下即刻就成为左玩家们嘅新宠。以呢套牌嚟讲手下有成23张,海盗派奇同南海水手被Buff后简直係一个质嘅飞跃。炸鸡同血啼嘅威胁性都增加左好多。相比抽起唔用2费职业法术牌剔骨同闷棍嘅代价其实完全能够接受。而且勉强嚟讲冷血同埋恶棘屠杀者都可以做到剔骨、闷棍嘅效果架。

钴蓝逆鳞龙人

《炉石战记》Best of Hong Kong W3 冠军选

呢张手下被睇重嘅原因除左佢嘅每回制强大效果之外,其实最重要嘅係佢种族。由于现时天梯上面实在有太多太牧师,牧师近期嘅人气已经盖过左德鲁伊。呢张手下正正就可以针对牧师嘅解场法术卡,龙火药水,避免比对面一卡清场嘅尴尬情况出现。另外佢5/5/5嘅身材其实都好唔错,自带隐藏嘲讽嘅佢抢到站场优势之后嘅加攻更加係提速利器。

暗影闪现

《炉石战记》Best of Hong Kong W3 冠军选

暗影闪现某程度上係造就左呢套牌概念嘅其中一个重要元素。可以同呢张卡配合嘅玩法实在太多啦,南海水手连两拳、亲王双buff、军情七处密探四攻伤、炸鸡勇者二连击尾刀斩杀等等,其实因应唔同嘅场合都可以做到唔同嘅效果。

小编小建议

小编喺呢度想抽应对牧师同德鲁伊依两个目前最受欢迎职业嚟讲讲,首先对应牧师方面,我地呢套牌组对住牧场係会相对比较难受,如果争取到两次亲王buff嘅话会比较容易应对,加上我哋牌组入面钴蓝逆鳞龙人同骸骨战马係我地对抗牧师重要利器,只要保证交换手下嘅节奏,其实都唔会太难应对。而对住德鲁伊嘅话,虽然依家佢被削弱左少少,但其实整体实力来讲影响唔算太大,由于大部份嘅德鲁伊依家只有两张解场,我哋尽可能以牌组低费优势向对面血线施压,争取中期提前完结游戏,特别要注意嘅係,依家有部分德鲁伊会放8/4/8嘅原始飞龙,大家一定要小心唔好对手一波翻盘呀。


上一篇: 下一篇:

相关文章:

最近发表
内容甄选