《炉石战记》Best of Hong Kong W2冠军选手

正文
《炉石战记》Best of Hong Kong W2冠军选手

大家好,今日嘅《炉石战记》Best of Hong Kong W2 冠军选手推荐牌组介绍将会为大家带来TaSa#4999嘅「大大德」!

TaSa呢副牌组唔算係一副主流嘅卡组,佢拎呢套牌参加比赛嘅主要原因係希望可以用呢套节奏比较慢嘅牌组嚟捉翠玉德同卡札牧。佢认为呢套牌可以抗行现时最热门两套强势牌组嘅,我哋一齐睇下吖。

牌组分析

《炉石战记》Best of Hong Kong W2冠军选手

叫得做大大德,当然就会有极大量高费牌啦,6费以上卡牌佔左接近一半。虽然高费手下佔左超重比例,但其实呢套牌有好多拉怪同加速嘅手段。TaSa指佢呢副牌摆嘅手下都係非常非常大只,前期有好多成长手段可以将节奏加快,譬如野性成长、翠玉之花呢类德鲁伊专属嘅加速成长法术卡佢都摆满各二,另外一张比较贵嘅滋补术滋补术亦都係摆满,务求中前期已经可以令水晶数领先,然后就用巴奈斯、大巨蟒去拉一啲大型手下出嚟,例如亚煞拉惧、巫妖王、伊瑟拉等,嚟取得场优,不断同对手换怪将节奏拖长消耗对方嘅手牌,最后以牌差同手下质量取胜。

《炉石战记》Best of Hong Kong W2冠军选手

Combo分析
巴奈斯与『无尽之怒』亚煞拉惧

《炉石战记》Best of Hong Kong W2冠军选手《炉石战记》Best of Hong Kong W2冠军选手

基本上依家所有嘅「大大系列」都一定会落呢一个组合套路,因为巴奈斯战吼能力对于新版本嚟讲係一个超强连动技能,随机拉出牌组大怪1/1分身,分身可以发动到原卡死声或者特殊能力,好似巫妖王、伊瑟拉嘅死亡骑士、梦境卡;大巨蟒、『龙王』死亡之翼嘅死声拉怪效果。巴奈斯嘅能力都可以做到加速令呢D后期先会出现嘅能力提前降临,当然如果成功博到拉出『无尽之怒』亚煞拉惧分身,咁样个优势会再上一个台阶啦。

快高长大-德鲁伊
一直以来跳费成长德係一个德鲁伊强大象徵,虽然改版后启动减弱变左做一张幸运币,但其实德鲁伊水晶发育嘅能力无咩点减弱到。呢套牌组入面,加速水晶发育能力嘅有8张,如果顺风嘅T5己经可以有9粒法力水晶你用。有加速成长嘅德鲁伊其实玩起「大大系列」1D都唔输蚀。

TaSa分析
TaSa係介绍呢套牌嘅时候曾同小编讲其实大大德唔会比任何今版本嘅热门牌组失色,虽然呢套牌建构费用比较贵所以令到好多人却步。但其实佢嘅性价比真係好高,因为召唤怪嘅方式都相当多元化,唔会因为抽唔到某张main卡而卡死咩都做唔到,好多卡更係攻守兼备可以因应唔同情况发唔同效果做调整。
佢亦指出有人可能觉得呢副牌嘅防守能力比起另一啲大大牌组嘅防守力略有失色。但其实依家呢个版本有落终极瘟疫同传播瘟疫嘅话咁副牌係防守方面亦都已经相当够,同埋加上有1费嘅地化鳞片叠甲,只要当任何能力拉到大物出来嘅时候,例如死翼,1费发动就可以加到13甲,防快攻一流,逆转能力係相当之好嘅。

《炉石战记》Best of Hong Kong W2冠军选手

虽然版本nerf左之后某程度上减慢左呢副牌嘅节奏,T1召巴奈斯,发效拉分身亚煞拉惧再出现一张原卡亚煞拉惧嘅劝退流已经好难实现得到,但同时快攻同打脸嘅某D主力卡亦都减弱左,所以大大德其实重係算作一线赛场Deck嚟!大家不妨参考下吖!


上一篇: 下一篇:

相关文章: